Sual Cavab

anonimmm
2016-04-02
salam hekim men son vaxtlar ozmu cox tek his edirem sevdiyim insan deyiwip mene qarwi ama boynuna almir deyir hemen adamam sadece pablemlerim var esebiyim ve s bilimirem sebr edip inanin ya yox qalmiwam bele
Cavab: Salam, hər vaxtınız xeyir. Əvvəla onu qeyd edim ki, sevdiyiniz insanın sizə qarşı dəyişməsi demək sizin tək olacağınız mənasına gəlməz. Həyatımızda sevgili adı verdiyimiz şəxslər bizim çox sonradan öz seçimimizlə qazandığımız şəxslərdir. Hansı ki, onlardan əvvəl bizim dostlarımız ən əsası ailəmiz vardı. Heç biri olmasa belə maraqlarımız bizə bəs edirdi. Ancaq nədənsə sevgili olduğu zaman biz hər şeyi ona bağlayırıq ona görə də onun bir an həyatımızdan çıxacağını düşünmək bizə qəbul olunmaz gəlir. Əvvəla bunun olmasından qorxmayın. Münasibətdə anidən belə sabitliklər olur. Səbəb çox şey ola bilər. tez-tez xırda davaların yaşanması, yaxud hər şeyin çox mükəmməl olması belə buna səbəb ola bilər. Biz nə etməliyik? Belə hallarda öncə dayanıb düşünməliyik. Bizim buna səbəb olacaq hansısa səhvimiz yoxdursa və hazır qarşı tərəf bizə bunun bizimlə bağlı olmadığını sadəcə bir az problemləri olduğunu deyirsə,buna riayət edək və onu rahat buraxaq. Ancaq bunu etmirik itirmək qorxusu yaşayırıq. Əgər o ayrılmaq istədiyinə görə belə edirsə, bizim bunu bir az daha sorğulamağımız bunun qarşısını ala bilməyəcək əksinə tezləşdirə bilər. Yəni hazırda buna inanıb inanmamaq bizə nəyisə verməyəcək. Çalışın bu vəziyyəti görməzdən gəlin. Çox da vecsiz olmayın. Sadəcə onu gün ərzində çox axtarıb çox yazırsınızsa bunu azaldın. Ancaq ona qarşı rəftarınızı mənfi etməyin. Eyni mehribanlıqla, şirin dillə sadəcə daha az axtarmaqla. Uğurlar
Nurlana
2016-04-02
Salam hekim artig deracada xayiw ediram sualimi cavablandirasiniz manim oglum 4yaw 4ay tamadi helada danwmir hekima apardig qulagi yoxlandi ewidir uzi oldu bawi normaldi rengen cekildi normal emerte olundu bu ay her wey tamizdi bir balaca kisda deyib hekim oda danwmagina mane döyul rassiyada yawiyiram hekim deyir ola bilsin havasini götura bilmir 2ila cekilib gedasidi heman kisda laqapeta ancag baxciya apar uwagnan apwenyada olsun deyir her weyi qanir elinanda bawa salir bilmey isdiyiram uwag 5yawina kimi daniwarmi her weyi tezi cixir bes niya danwmir cox narahatam. Onuda deyim 2uwagimdi qizim vaxtinda danwib bu uwagda hela indiya kimi baxciyagetmiyib butun gunu evd kaputeran iqra oynuyur heki darman iyna yazmiwdi mualice alanan soram bir iki safar mamam baba deyim indida hecna danwmir laqapet deyir ola bilsinki 2dili uwagdi ona göre danwamir ruscag danwdirin.
Cavab: Salam. Hər bir övladınızı Allah saxlasın. Əgər siz evdə həm rusca, həm azərbaycanca danışırsınızsa, çalışın uşaqla bir dildə danışasınız. Və onu kompyuter, telefon kimi texnologiyadan uzaq tutmağa çalşın. Onunla keçirdiyi vaxtı minimuma endirməyə çalışın. Yavaş-yavaş azaldın və ona daha maraqlı kəşflər tapın. Çizgi filmlər izləsin, nağıllar oxuyun. Bir də bir şey daha diqqətinizə çatdırım ki, əgər uşağınız əl-qol hərəkətləri ilə nəsə istəyirsə, tez onu anladığınızı bildirməyin. Bu zaman uşaq özünü ifadə edə bildiyini gördükdə danışmağa tənbəllik edəcək. Əl-qolla, qırıq səslərlə istədiyi bir şeyi sizə bildirəndə anlamadığınızı deyin, bir az sonra anlayaraq həmin istədiyi nədirsə onun izahatını verin. Məsələn əliylə oyuncağını göstərir onu istəyir, əvvəl anlamayın sonra "hə, bu oyuncaq? Onun adı maşındı, denən ana maşını ver başa düşəcəm" belə kiçik ünsiyyət oyunları oynayın. Uğurlar
ziyafet
2016-03-30
Salam hekim.geceniz xeyirli olsun.hekim men ariqlamaq isteyirem.ancaq nefsime qalib gele bilmirem.ne qeder ki ariqlamaq isteyirem.esebden darixmaqdan sixilib yemek yeyirem.nece eleyim ki qarsima qoygum meqsedi yerine yetirim.?28yasim var.3usaq anasiyam.mene meskehet vererdiz zehmet olmasa.evvelceden tesekkurumu bildirirem.
Cavab: Salam xanım. Hər vaxtınız xeyir olsun. Öncə insan özünü arıqlamağa tələsdirməməmlidir. Məsələn biz normal həyatımızda yeyib-içirik, ancaq çölə çıxırıq bir paltar görürük əynimizdə pis qalanda həmin an qərar veririk ki, arıqlayacam bunu geyinəcəm, yaxud başqa bir hal hava bir az dəyişir yaz, yay gəlir bir anlıq qərar alırıq ki, arıqlayım yay gəlir. Bütün bu sadalanan iki hala bənzər digər hallarda arıqlamağı bacarmaq qeyri-mümkün ola bilər. Səbəb isə ötüb-küçici nüanslara əsasən bu qərarı almağımızla bağlıdır. Biz mağazadan çıxdığımız an bəyəndiyimiz paltarı da unudarıq, hava yavaş-yavaş isindiyi üçün əynimiz gedərək nazikləşdiyi üçün adaptasiya tapıb kök vəziyyətimizlə palto və kurtkadan qurtularıq. Ancaq düşünsək ki, bütün qışı palto altında gizlənib bir anda onu çıxarırıq tez arıqlama qərarı alırıq. Halbuki bu temp bu qədər sürətli getmədiyindən qərar da qərarlılığını gedərək itirir. Önəm daşımamağa başlayır. Ona görə də əvvəla bu kimi səbəblərdən əlavə nəyə görə arıqlamağı istədiyimizi aydınlaşdırmalıyıq və arıqlamaqla arıqlamamağın bizim üçün nə kimi fərqi olduğunu müəyyən etməliyik. Bunu etdikdən sonra qərarımız daha çox qüvvədə qala biləcəkdir. Uğurlar.
eliw
2016-03-30
salam xanim
Cavab: Salam. Buyurun.
Vusale
2016-03-30
Heyat yoldasim cox esebidi xirda soz sohbetlere gore tez ozunden cixir ve boyuq munaqise bas verir men ne edim? Artiq bacara bilmirem
Cavab: Salam Vüsalə xanım. Əvvəla sizə xoşbəxtlik arzulayırıq. Əgər yoldaşınız çox sonradan belə olmağa başlayıbsa nəsə onu sıxmış ola bilər. Çox vaxt qadınlar bunu hiss etdiklərində onu rahat buraxmaq yerinə nəyin baş verdiyini israrla öyrənməyə cəhd edirlər. Bu isə kişilərdə qıcıq yarada bilər. Unutmayın kişilərdən qadınlardan fərqli olaraq kiçik problemləri haqqında belə danışmağı sevməzlər onun yerinə sakitlik və rahatlıq axtararlar. Çalışın bu rahatlığı ona evdə verəsiniz ki, o evdən qaçıb rahatlığı başqa yerdə tapmasın. Əsas odur ki, siz heç nə etməmisiniz yəni hazırki vəziyyətə səbəb olacaq bir səhviniz olmayıb. Qalanını zamana buraxın. Bir şeyləri aşkara çıxarmağa bu qədər tələsməyin. Onusz da bu bizə heç nə verməyəcək.
Lamiye
2016-03-29
Salam men kecen il universitete qebul oldum lakin muyyen sebebden gede bilmedim.heyatda neye cehd ediremse hecne alinmir olmur eksine olur neyi yaxsi fikirlesiremse pis olur istediyim hersey tersine olur sizce heyat yasamaga deyer? her gunun yeni problemleri olur herseyden elimi uzdum inamimi itirdim ve ne edeceyimi artig bilmirem.Tesekur edirem
Cavab: Salam Lamiyə xanım. Əvvəla universitet kimi çətin imtahandan uğurla keçdiyiniz üçün sizi təbrik edirik. Hər nə qədər siz sonradan təhsilinizi davam etdirə bilməsəniz belə bu sizin uğurunuza kölgə ola bilməz. Müəyyən səbəbə gəldikdə isə o nədir bilmirik, ola bilər ki, bu kiçik bir hadisə olmasına baxmayaraq sizi çox şeydən geri salıb, "Onsuz da alınmayacaq" həvəssizliyi yaratmış olsun.Ancaq məsələyə bu tərəfdən baxıb mənfi tərəfdə qalmaqdansa, məsələyə bu tərəfdən davam etdiyimiz halda müsbət yönə köklənə bilərik. Necə? Məsələn, onsuz da alınmayacaq deyərək itirəcək heç nəyimiz olmadığı düşünərək daha çox risq almaq və bacarmaq. Yəni ən pis nəticə yenə heç nəyin alınmamağa ola bilər ki, zatən biz çox öncədən bunu belə də bilirdik. Bəs birdən alınarsa? Sınayın və nəticəni görün. Uğurlar
Bahar
2016-03-29
Salam menim 31 yawim var Her weye kusurem inciyirem Cox qirilqanam Her wey her soz xetrime deyir Qarwimdakina nenfi reaksiya verirem Ozumle bacara bilmirem Cox hessas ve kovreyem Mene bir mesleehet Tewekkurler
Cavab: Salam Bahar xanım. Tez-tez incimək, küsmək bir mənalı olaraq diqqət yaxud qayğı gözləyən insanın edə biləcəyi bir şeydir. Əgər siz ətrafınızdan sevgisizlik hiss edirsinizsə, normal olaraq da incimək kimi davranışlarınız olacaqdır. Əslində isə biz səhvi çox orada edirik ki, hansı ki, çevrəmizdəki insanların bizə olan sevgisini biz onlardan gözlədiyimiz sevginin qədəri ilə müayisə edirik və nəticədə "gözlədiyim qədər deyil" nəticəsinə gəlirik bu bizdə sevgisizlik, tənhalıq yaradır.Əgər çevrənizdə ən az bir insan belə varsa, deməli sevilmə şansımız yüksəkdir. Əsas odur ki, biz özümüzü insanlardan uzaqlaşdırmayaq. Sizə sevgi dolu həyat arzulayırıq. Ömrünüz bahar olsun.
ALMAZ
2016-03-29
mene pisxologi cehetden tardim lazimdir admin cavablandirin
Cavab: Salam Almaz xanım. Əlbəttə, buyurun.
gunel
2016-03-16
salam menim oglum 2yas 9ayliqdi.o gece yatanda basini carpayiya vurur.bu 5-6 saniye davam edir.men neyneyim?bu psixoloji problem ola biler?
Cavab: Salam Günel xanım. Yaxşı olardı ki, onu uşaq psixoloquna göstərəsiniz.
Efsane
2016-03-15
Salam Elnur muellim. Ilk once cerwenbeniz mubarek. Nece gozel bayramlara ailenizle dogmalarinizla birlikde inwallah. Elnur muellim size sualim odur ki,men 4-cu kurs psixologiya telebesiyem.Indi mektebe psixoloq kimi praktikaya gedirem. Lakin menim wagirdim var yeniyetmelik yaw dovrundedi. Hemin wagirdim mene qarwi bawqa hisler besleyir. Men oz wagirdlerime kobud munasibet gostermek istemirem. Indi onun ele yaw dovrudur ki yalniw hereket edib daha pis tesir etmekden qoxuram. Meslehetiniz nedir sizin? Hemin oglan uwagi ile nece davranmaliyam? Coxu insan deyir ki uzaq dur kobudluq et ve s. Amma men muellimem bunu nece edim axi. Onun ozu ile daniwib onun ancaq muellimi oldugumu izah etmeliyem? Amma men onun hisslerini anladigimi demek istemirem ki sonra yeniyetmedi axi utanar ya ne bilim daha pis tesir eder. Xahiw edirem meslehet vererdiniz. Cunki heqiqeten men wagirdim ucun narahat oluram.
Cavab: Salam Əfsanə xanım. Əgər o uşaq tərəfindən sizə sevgiyə aid heç bir söz deyilməyibsə, hələ də arada balans saxlanılıbsa, bunu pozmayın. Haçan ki, uşaq sizə hisslərini açacaq o zaman gülümsəyərək "bütün sinif mənim əzizlərimdi" deyərək xüsusilik yaranmasının qarşısını alın. Cavab olaraq bir az daha davam etsə, çalışın ki, fikir bildirməyəsiniz gülümsəyin sadəcə. Və ona qarşı xüsusi diqqət etməyin. Məsələn, o mənə məni bəyəndiyini deyib bir az məsafə qoyum ki, anlasın kimi xüsusiliklər etməyin. Siz ən birinci öz düşüncənizdən onun sizə qarşı hissi olduğunuzu unudun. Bu zaman xüsusi ehtiyat etməyinizə ehtiyac qalmayacaq. Şagirdlər arasında belə şeylər olur. Buna perenos deyilir. O əslində sizə qarşı heç bir şey hiss etməyib sadəcə sizi ideallaşdırmış da ola bilər.
babek
2016-03-15
salam size sualim var. menim 13 yaşım var. 7 ci sinifdə oxuyuram dərsə diqqətimi verə bilmirəm. bunun üçün neyləyim?
Cavab: Salam,Babək bəy.Diqqətinizi yayındıran vasitələrdən uzaqlaşın. Daha çox dərslərinizə fokuslanın.www.pcc.az
Emin
2016-03-15
Salam hekim mende bogazda gerginlik, tenginefes, ureyimin tez tez doyunmesi el ayaqlarim terleyir ve mene soyug olurda azmaz donuram, heyecanlaniram ve heyecanlandigim vaxt bu hadiseler bas verir hetta tezyiqimde qalxmiwdi, kurekde agrilar hiss elirem arada basim gicellenir ve esasen pis fikirlewdiyimde bu hadiseler bas verir ve elebilirem bu deyqe olecem sebebini deyerdiz zehmet olmasa.
Cavab: Salam,Emin bəy.Bütün qeyd etdiyiniz əlamətlər təşvişli-nevrotik pozuntuya aiddir. Problemin terapiyasında psixoterapiya tətbiq olunur. AĞırlıq dərəcəsindən asılı olaraq paralel şəkildə dərman terapiyası da aparılır.www.pcc.az
sekine
2016-03-14
Salam.menim 19yawim var men hedef secirem ozume ancaq iwe bawlamaģa tenbwllik edirem ne qeder istesemde iwe bawlaya bilmiren bu ne ile bağlidi?
Cavab: Salam,Səkinə xanım.Seçdiyiniz hədəfə uyğun gündəlik hansı işləri görəcəksiniz onları müəyyənləşdirin, özünüzdə motivasiya yaradın.www.pcc.az
aytac
2016-03-14
Salam elnur bey menim 18 yasim var menim rehmete getmis qohumlarimm tez tez yuxuma girirr gece yuxudan ayiliram narahat pis oluram qorxuram yata bilmirem babam girir sora 3 bunan qabaq emim qizi intihar ederek rehmete gedib o girir ama en cox bir nece ay bunan oncee xalam oqlu rehmete getdi xercengden menen yasit idi olumu gozlerimin qabaqinda olub ger defe yuxumaa girdiyinde can verdiyin gorurem ve yuxudan ayilanda qorxuram yata bilmirem cox xais edrem mene meslehet verin bu nedendi cox sagolun indiden .
Cavab: Salam,Aytac xanım.Bu durumda psixoloji yardım almanız daha faydalı olardı.www.pcc.az
Arzu
2016-03-13
salam hekim 18yasim var cox aqresiv olmuwam axir vaxtlar hec kimle daniwmag istemirem tek qalmag isteyirem her gun aglayiram mene komey edin xaiw edirem
Cavab: Salam.Hansı hadisədən sonra bu əlamətləri özünüzdə müşahidə etdiniz?www.pcc.az
Arzu
2016-03-12
Salam hekim menim 18 yasim var 1 ci kurs telebesiyem mende ozuneguvensizlik utancaqliq sosial fobiya kimi problemler var men heckesle unsiyyte qura bilmirem tanimadiqlarimdan cekinirem adeten soz demeye qorxuram sanki sehv bir sey deyecem ve menden nifret edecekler deye fikirlesirem men cox tekem ve bundan hecde razi deyilem imkan olmadigindan pxisoloqa gede bilmirem men ozum bundan nece qurtula bilerem mende yasiarim kimi olmaq isteyirem
Cavab: Salam.Çalışın,ünsiyyət yaradasınız.Bu zaman düşündüyünüzü fikirləri özünüzdən uzaqlaşdırın,diqqətinizi fərqli istiqamətə yönəldin.Kənarın nə deyəcəyini düşünməyin.www.pcc.az
aynur
2016-03-11
salam men ozumu cox pis hiss edirem ancag pis seyler fikirlesirem cox hessaslasmisam tez tez aglayiram bilmirem niye.
Cavab: Salam,Aynur xanım.Neqativ düşüncərləri nə vaxtdan müşahidə edirsiniz?www.pcc.az
M.Bəsti
2016-03-11
salam menim adım Bestidir. 52 yaşım var. 2 defə əməliyyat olunmuşam. en esasıda onurga sutunundan olub. son 1,5 ildi ki eseblerim yerinde deyil. hər şeyə əsəbləşirəm özümü toplamağa çalışsamda heç nə alınmır ən əsasıda 2 ay bundan əvvəl mənim qızım xroniki apinsit getmişdi. emeliyat sabah olunacağı gün mənim yoldaşım uzaq yola işinin arxasınca getdi. mən həmin gün yata bilmədim. səhər apardım hekimə emisidə gəldi xalasıda gəldi ama mən yenədə özümü tək hiss edirdim. əməliyyat ağır keçdi. ama əməliyyatdan sağ çıxdı. Şükür Allaha hər şey yaxşıdır. Ama yenədə mən özümə gələ bilmirəm. Hər gün yoldaşımdan bir az soyuyuram. Düzdür sonra seffini başa düşdü. ama çox gec anladı. indi menim size xaisim odur ki, mənim yaddaşımdan və gözümün önündən o hadise silinmir. və hər dəfə yadıma düşəndə başım hərlənir gözümdə sanki çəplik yaranır. Ürəyim sanki yerindən çıxacaqmış kimi olur. bilmirəm nə edim indi urək həkiminə də getmişəm deyir ki çox qorxulu problem yoxdu yaşla əlaqədardir. həmçinin şəkərim var. həkimlər mənim bu cur olmağımın heç biri səbəbini aydınlaşdıra bilmir təkcə şəkər həkimim deyir ki, hadisədən ola bilsin ki şoka dusmusen. şoka düşmüsəmsə də nə edecəyimi bilmirəm kimə müraciət edecəyimi blmirəm mənə məsləhət verin mən psixoloqamı, psikiatirami yoxsa nerpatloqamı müraciət edim. size de yazmağımı qızım dedi. sizden xaisim odur ki mənə kömək edib düzgün məsləhət verəsiz.əvvəlcədən cox sagolun.
Cavab: Salam,Bəsti xanım.Əsəbi olmanız daha çox keçirdiyiniz əməliyyatla bağlı ola bilər.Yəni əməliyyatdan sonra keçirdiyi qorxu və narahatlıq səbəbindən bir çox insanda bu hal rastlanılır.Digər qeyd etdiyiniz isə posttravmatik stresslə bağlıdır.Posttravmatik stress pozuntusu müəyyən psixoloji sarsıntıdan sonra başlayan və həyat keyfiyyətini aşağı salan bir problemdir.Şəxs travmatik hadisəni və bunun perseptual-koqnitiv-emosional hissələrini yuxularında və gün ərzində təkrarlanan şəkildə yaşayır. Bu feedback`lar (geriyə dönmələr) hadisəni eyni canlılığı ilə şəxsə yaşadır və həyat keyfiyyətini diqqətə çarpan bir şəkildə aşağı salır.narahatlığın terapiyasında psixoterapiya və ağırlıq dərəcəsinə uyğun olaraq farmakoterapiya tətbiq olunur.www.pcc.az
xeyale
2016-03-11
Salam hekim.menim 3usagim var.3nu de keyseriyye emeliyati ile dunyata getirmisem.axirinci usaqda qanaxma neticesinde heyatimi itirmek tehlukesi olub cox sukur qan kocurmesi ile yeniden heyata donmusem.qanaxmani dayandirmaq ucun ise usaqligimi amputasiya eleyibler.menim28yasim var.usaqligin amputasiyasi haqda melumati men gec bilmisem .ve buna gore de bezi deyisiklik oldugu ucun mende eseb gerginlik kecirirem.yoldasim herbicidi.uc usaga tek baxiram.usaqlar nadincdi tez tez eseblesirem.heyfimi usaqlardan az qaliram cixardam.nese kiminse dogmagi haqda danisilanda qorxuram .bedenime qorxu dusur.otururam honkure honkure agliyiram.elece tek qalmaq isteyirem.qaranliq yerde oturub ozume qapaniram.afliyiram.ne edim men.etrafimdaki insanlari ozumden uzaqlasdigini hiss edirem.
Cavab: Salam Xəyalə xanım. Üçünü də Allah saxlasın. Ümumiyyətlə bu barədə çox sonradan məlumat əldə etdiyiniz üçün sizdə təşviş başlamış ola bilər. Düşünün siz bu barədə hələ də heç nə bilmirsiniz, ancaq qeyd etdiyiniz əsəbilik, gərginlik kimi hallar yaranıb. Bunun yaranma səbəbini siz müəyyən bir səbəbə bağlayıb özünüzü uzun və çıxılmaz yola aparırsınız. Unutmayın ki, hər hamiləlik yaşayan qadında müəyyən qədər əsəbilik olur. Siz çalışın buna köklənin. Uşaqlar çox vaxt bizim stabil həyat tərzimizin yanında bizim gözümüzə həddindən artıq nadinc görünə bilərlər və biz bütün heyifimizi onlardan çıxmağa cəhd edərik. Bəzilərimiz özümüzü cilovlamağı bacardığımız halda, bəziləri bunu etməyə bilirlər. Ona görə də uşaqlarınızın nadinc olduğunu deyil də sizin daha çox sakit və durğun tip olduğunuzu düşünüb məsələyə bu aspektdən yanaşmağa çalışın. Uşaqları özümüz kimi edə bilmərik, ancaq biz uşaq kimi davrana bilərik. Qaldı ki, sizin yanınızdan kimsənin hamiləliyindən danışmaqlarına burada siz köçürmə edərək bir anlıq özünüzü bu məqamda canlandırıb yenidən yaşadığınız xoşagəlməz halları yaşayacağınız fikrinə düşürsünüz. Buna görə də bu kimi mövzulardan ötüb keçə bilmir, aqressiv olursunuz. Ancaq həmin an özümüzün çətinliklərini düşünüb kənara əsəblə çəkilmək yerinə həmin mözuya qoşulub özümüzün yaşadıqlarını danışaraq fərqli nələrsə eşitməyə cəhd etməliyik, nəinki qaranlıq otağa çəkilərək tək qalmağı seçməyə. Həmin vaxt sizin daxilinizdə nələrin baş verdiyini, nə hisslər keçirdiyinizi yalnız özünüz bildiyiniz üçün kənardakı insanlar bir anda sizə nə olduğunu anlamaqda çətinlik çəkirlər. Onların gözündə qəribə tip sayılmış oluruq ki, elə buna görə də gedərək bizdən uzaqlaşdıqlarını görürük.
Melahet
2016-03-10
salam men cox aqressiv biriyem icimde hec kime qarsi sevgi yoxdu insanlari incitmek mene xos gelir. hec kesle yola gede bilmirem oz ailemle bele hamiya pislik edirem hamini incidirem aqladiram. hec kese sevgi beslemirem. sadece olmek isteyirem ve yaxuddaki tek yasamaq isteyirem insan uzu gormeyim. dehset aqressiv eqoist biriyem. oz aileme qarsi bele icimde sevgi yoxdu. qarsimdaki insani uzgun gormek mene xos tesir edir. hec kesle unsiyet qura bilmirem oz nisanlimla bele kobudam her kesle niye beleyem bilmirem icimden sevgi yoxdu sadece nifret ancaq aglamaq isteyirem sora pesman oluram niye kobudluq etdim deye? ama yene nifret buruyur qelbimi
Cavab: Salam,Məlahət xanım.Bu vəziyyəti daha çox nə ilə əlaqələndirirsiniz? Hansı problemlər ailənizlə gərginlik yaşamanıza,aqressiv olmanıza gətirib çıxardı?www.pcc.az
gulnar
2016-03-10
Salam.menin 19 yawim var son zamanlarda qerarsiz olmuwam secim ede bilmirem bu psixika ile baģli ola biler?
Cavab: Salam,Gülnar xanım.Qərarsızlıq düzgün hədəf müəyyənləşdirməməkdən, həyatını doğru planlaşdırmamaqdan qaynaqlanır. Çalışın,hədəflərinizi müəyyən edin, məqsədinizə çatmaq üçün bütün vasitələrdən istifadə edin.www.pcc.az
Xanim
2016-03-09
Salam men nevroz xestesiyem mualiceler bitib sagaldigima yaxsi olduguma inanandan beri dusuncelerin onemli oldugunu inamin esas oldugunu bilirem amma inamim pis fikirlerden yayinmagcun cox zeifdi...lakin pis fikirler ozune qapanma var amma derman qebul etmek istemirem artig ne etmeyi meslehet gorursuz? menim 20 yasim var ve men bu yasda psixi xeste olmag istemirem pis fikirlesdiyim hersey tez olur yaxsi neyise fikiresende reallasmir :( qorxu ve umidsuzluy el cekmir menden Tesekkurler
Cavab: Salam.Təşvişli-nevrotik pozuntu (nevroz) narahatlıq, bir yerdə qərar tutmamaq, diqqət və motivasiyada pozulma, konsentrasiya pozulması, həyəcan, əsəbilik kimi psixoloji;taxikardiya,epiqastral nahiyədə ağrı,vegetativ reaksiyalar kimi somatik əlamətlərlə müşahidə olunur.Bununla yanaşı digər qeyd etdiyiniz əlamətlər depressiv epizoda aid edilir ki,bu da nevroz müalicə olunmadığı təqdirdə ortaya çıxır.Hər iki narahatlığın terapiyasında psixoterapiya tətbiq olunur.Təyinata uyğun dərman terapiyası da aparıla bilər.www.pcc.az
AYSEL
2016-03-09
Salam sizden cox xayiw edirem sualima cevab yazin men cox Is tires kecirem bir Adam yanimda Adi soz danwir bedenmin tuku buz buz our gergin oluram bundan nece qurtula bilerem cox xayiw edirem yazin zenhmet olmasa
Cavab: Salam Aysel xanım. Yanınızda danışan adamın kimliyi çox şey deyir. Yaxud da nə barədə danışması. Ola bilər ki, sizi qorxudan insanlarla ünsiyyətdir. Yaxud söhbətə qoşula bilməmək. Məsələn bir mövzu barəsində söz düşür siz isə başlayırsız narahat olmağa ki, söz sırası mənə gələndə nə edəcəm. Əgər dediyiniz hal eynilə belədirsə, unutmayın ki, hər söhbət edildiyində mütləq nəsə fikir bildirməli deyilsiniz. Həmin anda stress olmaq yerinə özünüzə daxili rahatlıq verərək dinləyici rolunda da ola biləcəyinizi düşünün.
Ayka
2016-03-09
Salam hekim.1ile yaxin olarki gece yuxuda qiwqiriram,oz sesimi ewidmirem. Elebilki,yuxuda kimleriyaxu neseni gorende 1-1 adlarini cekmeye bawlayiram.Ne meslehet gorerdiz?? Xaiw cavab yazin.
Cavab: Salam.Bu daha çox gərginlik və stresslə əlaqədardır.Çalışın gündəlik rejiminizə,yuxu nizamınıza diqqət yetirəsiniz.www.pcc.az
Emilia
2016-03-08
Men cox qisqanc biriyem ve bununla bacara bilmirem ama eslinde hec onuda bil miremki bu qisqancligin arxasinda ne durur bilmiremki bu qisqancliqdi ya guvensizlik ama bele de guven problemim var yeni hec kime guvene bilmirem evel ele bilirdimki bu yaxwi bir weydi ama zaman kecdiyce goruremki yox hetda bir cox problemlerede sebeb olur bu mende ve ozum oz xasiyyetimden cox naraziyam ama o dozur mene ama bele xaricden baxanda hec kim menim bele problemim oldugunu bilmir bir o bilir bunlari yeni qayidim evvele qisqancliga duzu men bu yazdiqlarimin hamisinin cavablanmasini istiyrem
Cavab: Salam.Qısqanclıq daha çox özgüvən əksikliyindən qaynaqlanır.Və zaman keçdikcə daha da ağır formaya keçir, paranoid düşüncələrlə əvəzlənir (patoloji qısqanclıq). Artıq hər kəsdən şübhələnməyə başlayır,özünəzarəti itirir,situasiyalarda doğru həll yollarını tapmaqda çətinlik çəkir.Zamanında müdaxilə olunduğu təqdirdə prosesin irəliləməsinin qarşısı alınır.www.pcc.az
LALE
2016-03-07
SALAM MENIM YADDAW PROBLEMIM OLUR FIKRIM QARIWIQ OLUR ESEBLEWENDE TEZ OZUMDEN CIXIRAM AMA SAKITLIYI COX SEVIREM XAHIW EDIREM MENE KOMEK EDIN
Cavab: Salam,Lalə xanım.Bu daha çox diqqət dağınıqlığı ilə əlaqədardır.Rutin qaydaları,həyat tərzini düzgün nizamlamadıqda ortaya çıxa bilər.Həmçinin orqanik pozuntunun fonunda yarana bilər.Yaxşı olardı ki,ilk öncə narahatlığın mənbəyi araşdırılsın,daha sonra bu istiqamətdə korreksiya işləri aparılsın.www.pcc.az
Adınız 
Sualınız 
1234567891011121314151617181920
2122232425262728293031323334353637383940
4142434445464748495051525354555657585960
6162636465666768697071727374757677787980
81828384858687888990919293949596979899100
101102103104105106107108109110111112113114115116117118119120
121122123124125126127128129130131

LOGİN

 Email
 Parol
Qeydiyyat

XÜSUSİ TƏKLİFLƏR