Nitq qüsurlarının içində ən aktual və qədim problemlərdən biri də,kəkələmədir ki,bu dəfəki məqaləmdə sizə   bu haqda məlumat vermək istərdim.

Kəkələmə gündəlik həyatımızda müşahidə olunan nitq qüsurlarındandır. Kəkələmə nitq aparatının qıc olması ilə nəticələnir, həm də bu zaman nitqin sürətinin təşkili pozulmuş olur. Bəzi tədqiqatçılar kəkələməni nitq üzvlərinin fəaliyyət pozulmaları ilə bağlamışlar ,bəziləri isə kəkələməyə psixoloji baxımdan yanaşaraq, onu psixi proseslərin gedişinin pozulması ilə əlaqələndirmişlər. Kəkələmənin əmələ gəlməsində birinci dərəcəli rolu baş-beyin qabığında sinir proseslərinin qarşılıqlı əlaqəsinin pozulması oynayır. Baş-beyin yarımkürələrində sinir pozulmaları birinci tərəfdən sinir sisteminin vəziyyətindən, onun normadan kənara çıxmaq hazırlığından digər tərəfdən mənfi ekzogen amillərin olmasından asılıdır. Bu qüsura baxdığımızda beyinlə əlaqədar bir qüsur olduğunu görsək də, bunuda qeyd etmək istəyirəm ki, bu gen olaraq valideynlərdən də qaynaqlana bilər. Kəkələyən uşaqlara bəzən valideynlər tərəfindən laqeyd münasibət göstərilir və ciddi diqqət göstərilmədiyindən bu hal həmən uşaqda illər boyu müşahidə olunur. Valideynlər uşağın nitqində hər hansı bir rahatsızlığını gördüyü zaman ona ciddi yanaşmalı və loqopedə müraciət etməlidir ki, bu qüsuru aradan qaldırmaq asanlaşsın. Kəkələmə nitq qüsurunun hansı səbəbdən yaranması ta qədim zamanlardan mübahisəli bir məsələ olmuşdur. Kəkələmə doğuşdan və ya hər hansı bir çətinliyə düşən zaman stress nəticəsində yarana bilən bir qüsurdur  və kəkələyən insanlar da adətən bir hal müşahidə olunur ki, kəkələmə ən çox danışanda bəlli olduğu üçün onlar cəmiyyət içərisində danışmağa çəkinirlər, sanki danışdığı zaman özünü itirəcək və ətrafın qınağına səbəb ola biləcək kimi bir hiss keçirirlər. Bəzən onlardan adicə adını soruşduğun zaman belə onlar sanki imtahan verirlərmiş kimi həyəcan keçirirlər və danışıqlariında söz uzatma və ya dil dolaşıqlığı müşahidə olunur.Bu uşaqlar adətən məktəbdə oxuduqları zaman ən arxa partada əyləşərlər və müəllim sinifdən sual soruşduğu zaman sanki özlərini gizlədərlər ki, müəllim onları görməsin. Daha çox mimika və jestlərlə danışmağa üstünlük verərlər, bu prosesi daha da ağırlaşdırmağa səbəb ola bilər. Bu uşaqlar danışdığı zaman ətrafdakıların onlara münasibətini çox qiymətləndirərlər və ona kimsə gülərsə və ya lağa qoyarsa bu halda qüsurun aradan qaldırılmasına ciddi maneə ola bilər. Buna görə belə qüsuru olan uşaqlar daha çox diqqət mərkəzində tutulmalı və onlara mehriban münasibət göstərilməlidir .
Övladı kəkələyən bir valideynin üzərinə düşən tələbləri aşağıdakı şəkildə izah etmək olar: